X XORNADAS CLUB DE LECTURA

O pasado 17 de Xuño celebráronse en Santiago unhas Xornadas dos Clubs de lectura que tiveron como novidade a asistencia dunha chea de rapaces de moitos institutos de Galicia. Só eran unha pequena mostra do numerosísimo alumnado que ano tras ano se engancha á lectura, á charla, á reflexión... Alí puidemos constatar que somos un número crecente de persoas que comparten o amor polos libros e pola palabra.
Numerosos escritores, músicos, xornalistas., distintas propostas, experiencias... encheron un día do que a  pequena representación de Balbordo disfrutou totalmente.

Aquí a Galería de imaxes da páxina de BEscolares.

MENÚ DE ENGANOS. NUÑEZ SINGALA.



Repetimos en Balbordo no grupo de Pais, profes... unha lectura de Núñez Singala. 
Despois do noso agradable recordo da reunión de Instrucións para tomar un café, tocoulle o turno a Menú de enganos, libro no que falamos na cea de despedida do curso

Neste caso, preséntase o texto cunha carta moi especial: a dos 20 relatos organizados en:
"Para picar", "Entrantes", "Primeiros", "Segundos" e "Sobremesas".
Son textos de diferente extensión (curtos os "para picar" e máis densos, por exemplo, os "Segundos").
Moi entretidos, todos se relacionan dalgún xeito coa mentira ou o engano. Neles atopamos doses de humor, de reflexión, de crítica... e tamén grandes "porcións" de personaxes e situacións que lle dan moita variedade ó texto.
Recomendable para despedir o curso...

LA CENICIENTA QUE NO QUERÍA COMER PERDICES. N. LÓPEZ SALAMERO-M. CAMERO S.

Porque non todos os contos teñen que ter final feliz, porque non todas as mulleres senten a necesidade de estar na compañía dun home, porque o importante é a felicidade de cada unha e a liberdade de actuación, porque hai que revisar moitos tópicos sobre o amor... por moitas destas razóns considerei que este era un bo libro para ler e reflexionar cos alumnos do grupo de Pmar (todas mulleres menos un rapaz!). 
Foi unha moi interesante lectura e discusión para todos. Na editorial Planeta este álbum que desmonta tópicos.

EL LUGAR MÁS BONITO DEL MUNDO. ANN CAMERON

Pareceume absolutamente marabilloso este brevísimo libriño de Ann Cameron, editado en Alfaguara infantil e en Santillana, por iso o quixen compartir cos meus alumnos de Balbordo.
O protagonista é un neno, Juan, que foi abandonado, primeiro polo seu pai e logo pola nai, e vive en Guatemala coa súa avoa e outros familiares.
A súa forza de vontade, o seu optimismo e interés por aprender convírteno nunha figura entrañable, xunto coa  avoa que o coida. Fundamentalmente dos personaxes desta historia falamos en Balbordo.
Resaltamos esta cita que da título ó libro:
"...allí donde hay alguien a quien se quiere muchísimo y donde hay alguien que nos quiere de veras, ese sí que es el lugar más bonito del mundo". (Edit. Santillana, pág 62)

A DÚBIDA. M. REIMÓNDEZ

En Balbordo no grupo de pais, profesores... tivemos a sorte de reunirnos, o 18 de maio, con María Reimóndez para falar da súa novela gañadora do XIV Premio de Novela por entregas de La Voz de Galicia.
É un texto breve, áxil, ameno... que mantén a atención do lector ata ó final.
Charlamos de moitos temas presentes na obra: a pederastia, a corrupción, as relacións familiares, a violencia exercida contra a muller, os silencios da sociedade...
A vida aburrida e rutinaria dun matrimonio composto por un coñecido político e unha economista vese afectado pola detención do home, acusado de abusar dunha menor (filla duns amigos da familia). O desconcerto inicial da muller e as dúbidas sobre o que está pasando en realidade lévana a indagar sobre diferentes aspectos da súa personalidade e da súa relación de parella e a plantexarse moitos interrogantes sobre o seu marido, que terán que ser resoltos para atopar a verdade.
Grazas a María por acompañarnos!


UNHA ÚLTIMA CARTA. A. PAPATHEODOULOU- I.SAMARTZI


Este texto de A. Papatheodoulou e I. Samartzi que edita Kalandraka foi IX Premio Internacional Compostela para Álbum Ilustrado. Penso que as cartas son algo moi descoñecido para os máis novos, moi esquecido... por iso quixen escoller esta xoia de libro para facelos pensar sobre a súa importancia (nun pasado non moi lonxano) e, de paso, facer unha actividade lúdica.
Cunha presentación espectacular (é deses libros que dan ganas de tocalos só ó velos!) e cun texto claro, nostálxico, tenro... relátase o último día de traballo dun carteiro que leva moitos anos repartindo cartas nunha illa.
Palabras bonitas, desgrazas, ilusións, comunicación... que só o carteiro tiña na súa man nun tempo no que para comunicarse só había cartas.
Cun final precioso. Encantounos a todos.
E este foi o traballo que fixeron despois coas súas profes... Estaban emocionados coas cartas.

EL TESORO DE BARRACUDA. LLANOS CAMPOS

É un libro moi diferente ós que lemos este curso no grupo de alumnos de 1º ciclo de ESO.
Os protagonistas son uns piratas que non responden ás características que soen poseer estes personaxes. Son diferentes ós que coñecemos. O que máis nos sorprende do texto é que queren aprender a ler, desesperadamente... O primeiro descubremento do valor da lectura é un episodio moi gracioso porque significa o instante preciso no que se dan conta das portas que ese poder otorga ós que o dominan. Grazas a un libro atoparán as pistas para facerse cun preciado tesouro.
Un libro de Llanos Campos editado en El Barco de Vapor.

QUE LLE ACONTECE Á AVOA? WHAT'S WRONG WITH GRANDMA?- MIGUEL PERALTA-XOANA ÁLVAREZ

Álbum presentado en edición bilingüe (galego/inglés). Preciosas e suxestivas ilustracións en tonos marróns.
Narra a historia dunha avoa que ten nobelos de lá na cabaza. A súa neta, con gran tenrura, tenta que non se lle mixturen os recordos, desfacéndolle os nobelos.
Unha reflexión sobre a perda da memoria e a enfermidade do alzheimer, sobre o que estivemos reflexionando no grupo de PMAR. Especialmente meditamos sobre o importantes que son os recordos para cada un de nós.

EL LENGUAJE DE LAS FLORES. VANESSA DIFFENBAUGH

A novela elixida para o grupo de pais profes foi esta de Vanessa Diffenbaugh, editada en Salamandra. A temática motivou unha verdadeira discusión sobre a protagonista da historia. Uns identificábanse con ela e o seu comportamento e outros falaron dunha especie de novela rosa. As opinións foron moi encontradas.
Penso que é unha novela de sentimentos, de abandonos, de perdón e pérdas... É tamén un texto sobre a maternidade, a adopción, a búsqueda de un mesmo e a ilusión que proporciona todo aquelo que nos fai estar ben con nós mesmos...
É a historia dunha aprendizaxe vital difícil no que unha moza que viviu en distintas familias de adopción e en centros de acollida sucesivos se atopa totalmente perdida ata que se da contaa de que o don especial que posee (é unha apaixoada das frores e os seus significados) lle vai permitir realizarse nun traballo que lle encanta: vendedora de frores; ocupación na que pronto destacará pola súa sensibilidade e  extraordinarias cualidades.
Hai na novela momentos de auténtica, desesperación, frustración... nos que só a linguaxe das frores e os seus  significados provocarán unha firme esperanza.
A interesante protagonista é un ser contradictorio, difícil... unha muller que loita (á súa maneira) por amar e ser querida, aínda que teña que comportarse dun modo pouco convencional.

EL AUTOBÚS DE ROSA. FABRIZIO SILEI-MAURIZIO A.C. QUARELLO

Un impresionante álbum, editado en Bárbara Fiore foi o elixido para reunirnos en BalbordoBis coa colaboración do Departamento de Orientación.
Quen é o avó que leva ó seu neto a un museo?
Por que lle ensina un autobús?
Quen é a muller da imaxe? Que fixo?
Son algunhas das preguntas ás que demos resposta na reunión co grupo dos atentísimos rapaces de BalbordoBis.
O avó dá ó seu neto unha lección sobre tolerancia, racismo e, especialmente, a loita polos dereitos humanos.
O ancián cóntalle ó seu neto como Rosa, unha muller negra que en 1955 ocupou un asento dun autobús e se negou a erguerse para que o ocupase un branco - Rosa Parks- conseguiu con ese xesto que se reflexionase sobre unha lei inxusta e se actuase en consecuencia.
Xuntos reflexionamor sobre a importancia de pequeños xestos valentes que poden cambiar o mundo.

Na contracuberta pode lerse:
 "Siempre hay un autobús que pasa en la vida de cada uno de nosotros. Tú mantén los ojos abiertos, no vayas a perder el tuyo".

EL INCREÍBLE CASO DE BERNABY BROCKET. JOHN BOYNE

Interesante libro, que lles encantou ós rapaces de 1º e 2º ESO de Balbordo.
Un texto moi válido para reflexionar sobre as persoas diferentes, o modo de enfrentarse á vida da xente que os rodea e tamén a forza do non conformismo para lograr metas.
Nunha familia (composta por pai, nai e dous fillos) na que todo parece normal e perfecto, de súpeto chega un novo membro: un neno que desde que nace é especial: elévase no aire. A vida dos que o rodean vese profundamente alterada e a reacción dos pais é a de non aceptación do problema.Tras ingresalo nun centro especial no que os nenos non son ben tratados, deciden abandonalo (moi cruelmente). A partir de aí, o neno (de tan só 8 anos) vive múltiples aventuras, coñece a variados personaxes que o axuudarán, o explotarán, o coidarán... e, en definitiva,  farán cambie plenamente a súa vida e as súas relacións familiares.
Duro en moitass páxinas, terno noutras...
Unha novela de John Boyne (autor de  O neno co pixama de raias) editada en Nube de Tinta, que deu moito para falar en Balbordo.


EL LADRÓN DE PALABRAS. NATHALIE MINNE

Ademais dunhas extraordinarias, e grandes, ilustracións, este álbum ten un texto cheo de palabras que provocan en nós moitas sensacións e emocións diversas... É o que sucedeu mentres falabamos del na reunión do grupo de alumnos de PMAR2.
Palabras que serán clasificadas polo personaxe que protagoniza a historia e que nós usamos para xogar, pensar, clasificar...
E a última ilustración deunos para pensar en que palabra sacaríamos nós cando falamos de amor e cal seleccionariamos.


ASTERIX IN BRITAIN. GOSCINNY-UDERZO


During the meeting the group talked about the comics The Adventures of Asterix in general, these famous stories about a village of indomitable Gauls that resist Roman occupation. The Asterix series is one of the most popular Franco-Belgian comics in the world, with the series being translated into over 100 languages, and it is popular in most European countries.


It’s an excellent example of friendship. Both are quite stubborn and sometimes argue angrily during their adventures, since they usually have two very different visions of what should be done. However, always, without exception, they end up approaching their positions, merging in a hug to turn the page and move on together. A great message: The irreducible Gauls did not use the power of their magic potion to reconquer their country; they use their power so that no one passes over them.

Eva Dios.

DIFERENTE. J. LEDORZE-C. RÉMIART.


É fascinante este álbum no que prima a defensa da individualidade e das diferencias frente ás críticas dos que pensan que todos teñen que comportarse dun modo totalmente previsible.
A amizade incondicional e a tenrura son valores moi presentes neste recomendable álbum que leron os alumnos de BalbordoBis e que comentamos apaixoadamente. Tamén nos deu para falar dos comportamentos que se axustan ou non ás normas, das convencións, da amizade...
Gustounos moito a todos!

LADYDI. JENNIFER CLEMENT.

Dura, impresionante, moi recomendable novela de Jennifer Clement nos pareceu a todos os compoñentes do grupo de maiores.
Narrada en 1ª persona por unha xoven que vive nunha aldea de México coa súa nai (o seu pai abandonounas). Nun ambiente marcado polo terror motivado polo continuo rapto de mulleres novas, a vida das mulleres, das nenas... está poblada de medos, anguria: además de ser roubadas, a amenaza de ser fumigadas por helicópteros que desfán as plantacións de amapoulas da zona pálpase continuamente.
A dureza da vida de Ladydi (protagonista desta historia, que leva ese nome elixido coidadosamente por un peculiar motivo...) acentúase coa convivencia coa nai, permanentemente borracha; por iso o seu optimismo e fantasía contrastan continuamente co ambiente que a rodea. Cando marcha a servir a unha casa dunha familia rica, na gran cidade, a esperanza ábrese no seu camiño aínda que, desgraciadamente, a vida todavía lle deparará sorpresas e inimaxinables.
Sobrecolledora e moi intensa.

EL DIARIO DE LAS CAJAS DE FÓSFORO. PAUL FLEISCHMAN-B.IBATOULLINE

Cando atopo un álbum que me enamora intento compartilo cos meus alumnos. Neste caso tratouse do libro de P. FleiscHman e B. Ibatoulline, da Editorial Juventud. As súas ilustracións e a tenra historia fíxonos estar moi atentos a todo o pequeno grupo de alumnos de PMAR2.
A neta, que  visita ó seu bisavó, descubrirá o que este garda coidadosamente dende a súa infancia: recordos agochados en caixiñas. Cada un deles evócalle un interesante episodio da súa vida, da que hai moito que aprender. Unha existenza trenzada con pequenas pezas que encerran moitos significados para o que as atesorou.
Precioso.
Estas foron algúns dos adxectivos cos que calificaron a historia os sete rapaces despois de comentar o libro:
"Añoranza. Tristeza. Melancolía. Emocións. Empatía"

ÁLBUMS QUE NAMORAN...

Por si queredes facer un agasallo o 14 de febreiro... hai máis dun álbum para namorar.


INSTRUCIÓNS PARA TOMAR CAFÉ. MANUEL NUÑEZ SINGALA.

Humor intelixente, ironía, continuos guiños ó lector... foron algúns dos compoñentes que nos fixeron disfrutar moito na nosa cea-reunión de Balbordo no grupo de pais-profesores.
Brevidade, amenidade, inxenio e agudeza hai nestes relatos curtos (algúns só teñen dúas liñas) ou tamén microrrelatos.
Dende unha alusión no título á obra de Cortázar: "Instrucciones para..." o libro estructurase en torno a 4 grandes bloques:
1.-Libro de Reclamacións
2.-Libro de estilo
3.-Libro de Instrucións
4.-Libro de Contos
Nuns hai queixas a diferentes e divertidas situacións, noutros varias reflexións sobre o "carácter" dos galegos; ou ben o fío condutor é a alusión a distintas e propias formas de ser da xente de Galicia (sempre cun toque de ironía e sorna que nos arrinca un sorriso). Por último, atopamos solucións inesperadas, divertidas e inxeniosas ou incluso algunha revisión de contos clásicos.
Nalgún aspecto recordoume a outro libro deste mesmo autor: Menú de enganos xa que en ambos hai como pequenos lóstregos de palabras e sensacións que pasan fugazmente diante dos nosos ollos. 
Gustáronnos especialmente: "Cocido familiar", "Estraña", "Instrucións para tomar café", "Instrucións para parecer galego", "Instrucións para convidados" ou contos como "O Monarca" por citar algúns...
En Galaxia, de Nuñez Singala.

JANE, EL ZORRO & Y YO. ISABELLE ARSENAULT-FANNY BRITT

Recentemente editou Salamandra Graphic esta Novela Gráfica de Isabelle Arsenault Fanny Britt
Paréceme moi recomendable por varias razóns: o extremo coidado do texto e as ilustracións, a temática ou a mensaxe que transmite... por citar algunhas. Pensei tamén que era un texto idóneo para este grupo de rapaces que viñan de ler Eskoria no primeiro trimestre. 
Hélène é unha rapaza acomplexada debido ós continuos ataques verbais que sofre por parte dos seus compañeiros de clase, síntese distinta, desplazada, illada... e refuxiase na lectura dunha novela de Charlotte Brontë: Jane Eyre, obra cunha protagonista que lle recorda moito a ela mesma. De modo maxistral vai intercalando a propia historia da nena coas suxestións provocadas pola lectura sanadora para ela.Pero as cousas cambian de repente e asoma un raio de cor e esperanza.
De todo esto falamos en Balbordo relacionándoo co libro anterior.
Outra recomendación con esta temática:

THE LITTLE PRINCE. A. SAINT-EXUPERY




Moral allegory and spiritual autobiography, The Little Prince is the most translated book in the French language. Technically, this book is suitable for any age, children and adults, but I doubt that most would completely understand it for children. It is said that this book should be read 3 times in one's life: as a child, as a young adult and as an older adult because as we grow older our perspective changes, and thus we become able to appreciate things in different ways.




I'd say the group of teenagers of the club enjoyed this book a lot, especially because there are many themes in the book that are relative to love and friendship, and everyone but especially teenagers give purpose and meaning to theirs lives through the relationships that they form. Also, the students connect with the idea present in many parts of the book that adult people are preoccupied with things of little real value and we become less creative and imaginative, as we get older. For these reasons, I really recommend this book to anyone who wants to enjoy and think about what it is important.
Eva Dios.

ESKORIA. A. GÓMEZ CERDÁ



No grupo dos rapaces de Balbordo tivemos a oportunidade de comentar esta obra, de A. Gómez Cerdá, que calou fondo.
Describe o pesadelo diario que sofren algúns rapaces cando deben enfrontarse ós abusos irracionais doutros compañeiros, ós insultos, ameazas e provocacións que poden converter unha vida completamente normal nun inferno no que, ás veces, os que o viven non son capaces de denunciar.
Un texto duro, unha temática forte (como a imaxe que dá entrada ó texto) e bastantes personaxes que non nos deixaron indiferentes.
Posiblemente conveña falar máis desa violencia agochada que tamén ás veces pode ser arroupada polo silencio dos que a coñecen (sen participar nela) pero que están de costas a ela.

ARMAS, GÉRMENES Y ACERO. JARED DIAMOND.

É a primeira vez que lemos un ensaio no grupo de pais, profes e persoal non docente. O libro foi recomendado por un pai que viña de ler esta "Breve historia de la humanidad en los últimos 13000 años" como indica o subtítulo da obra.
Fixemos percorridos por diversos continentes, etapas históricas, razas humanas, comportamentos, costumes... e adentrámonos en cuestións como o motivo polo que uns pobos se desenvolveron dun modo rápido e outros non. O uso das armas, a existencia de enfermidades e os avances tecnolóxicos resumirían dun modo moi rápido os motivos polos que hai tantas diferencias entre unhas partes do mundo e outras.
Deu moito que falar: de especies vexetais, economía, viaxes, modos de vida, pobos conquistadores e conquistados, climas, xeografía...

EMOCIONARIO. DI LO QUE SIENTES

Non é frecuente referirse ás emocións nin reflexionar sobre elas. Neste libro editado en Palabras aladas, dásenos esa oportunidade por medio de varias posibilidades: definicións, a proposta de xogo e  unhas ilustracións que acompañan a cada unha das palabras definidas...
Amor, ira, nostalxia, incomprensión, hostilidade, asombro, gratitude, medo, confusión... son algunhas das emocións deste particular dicionario.
En BalbordoBis disfrutamos moito comentando ilustracións, sentimentos e as nosas experiencias particulares. Unha hora moi, moi entretida.
E aproveitamos para facer outra preciosa recomendación: Laberinto del alma.

ÉRASE UNA VEZ UN CUENTO. ANIZE EGUIARTE-ALFONSO BERROYA.

Marabilloso este Cómic de Anize Eguiarte e Alfonso Berroya, editado en Saure. 
Son cinco historias nas que os protagonistas son nenos que se enfrentan, inventando historias, ás dificultades e problemas que lles tocou vivir. Trátase de que reflexionemos sobre situacións que lles crean inseguridade, incertidume, medos... E iso fixemos no grupo de PMAR2. Con moita atención e con asombro polo que estabamos descubrindo.
Unha parte da historia é en branco e negro (a que presenta a realidade) e a outra en cor (onde se debuxan os soños e desexos).
Unha nena que soña con princesas mentras sofre o comportamento dun pai alcólico, un bebé aterrorizado  polo seu pai, un neno que quere ser muler, unha moza que sofre acoso, uns irmáns que non asumen que o seu  pai teña unha nova relación... 
Un estupendo libro para abordar cos adolescentes situacións que poden preocuparlles.

    

PARA SOÑAR...

Moitas veces teño pensado que as cores dos libros materiais que caen nas nosas mans poden atraparnos entrando "polos ollos".
Bonitos soños...










BENVIDOS


Benvidos...
Un ano máis esperamos disfrutar da lectura tanto, tanto...
Queremos asombrarnos, descubrir, mirar, soñar...